«Մոտեցեք ամբիոնին ու հայտարարեք, որ Գանձասարը հայկական է». Լենա Մաթևոսյանը՝ Նիկոլ Փաշինյանին

«Օրեր առաջ Հաջիևը, 58 երկրների դիվանագիտական ներկայացուցիչների առաջ ծաղրեց մեզ՝ հայերիս ու մեր պատմությունը՝ փորձելով խեղաթյուրել Գանձասարի՝ հայկական լինելու փաստը, ինչին չարձագանքեցիք: Բայց բացը կարող ենք լրացնել. մոտեցեք ամբիոնին ու հայտարարեք, որ Գանձասարը հայկական է»,- դիմելով Նիկոլ Փաշինյանին՝ ասաց «Ուժեղ Հայաստան» խմբակցության պատգամավոր Լենա Մաթևոսյանը: Վարչապետն արձագանքեց. «Եթե մեզ հետաքրքրում է որևէ մատյանի կամ մատյանում առավել ևս հիշատակված վանական համալիրի ծագումնաբանություն, պետք է դիմենք էդ մատյանին ու բնագրերին: ՀՀ-ն այս հարցին տիրապետող ամենակոմպետենտ պաշտոնյայի՝ Մատենադարանի տնօրենի միջոցով արձագանքել է ու արձանագրել է Գանձասարի հայկական ծագումը, և անիմաստ եմ համարում այդ թեմայով խոսակցությունը... Թե՛ ՀՀ-ում, թե՛ Ադրբեջանում անհրաժեշտ է խնամքով վերաբերվել խաղաղությանը և այն, ինչ տեսանք Ադրբեջանի պաշտոնյայի կողմից, անընդունելի է»: