«Ես և Հայաստանի որևէ ներկայացուցիչ ոչ մի անգամ ՀՀ-ից ռուսական ռազմաբազան դուրս բերելու հարց չենք բարձրացրել»․ Նիկոլ Փաշինյան

«2018 թվականից ի վեր շփվում եմ ՌԴ նախագահի և բարձրաստիճան այլ պաշտոնյաների հետ, և Հայաստանի կողմից երբեք, ոչ մի անգամ Հայաստանից ռազմաբազան դուրս բերելու հարց չեմ բարձրացրել․ ընդհանրապես Հայաստանի որևէ ներկայացուցիչ նման հարց չի բարձրացրել»,- այսօր խորհրդարանում Կառավարության հետ հարցուպատասխանի ընթացքում հայտարարեցՀայաստանի վարչապետ Նիկոլ Փաշինյանը։

«Երբ որ Բիշքեկից վերադարձա Երևան, տեսա ՌԴ նախագահի հայտարարությունը՝ «եթե Հայաստանն ուզում է, որ բազան դուրս բերվի, մենք դուրս կբերենք»։ Հետո ճեպազրույցի ժամանակ լրագրողները հարցնում են այդ մասին, և ես ասում եմ, որ Հայաստանը երբեք չի բարձրացրել բազան դուրս բերելու հարցը, բայց եթե ՌԴ-ն որոշի դուրս բերել, Հայաստանը չի առարկի։ Որովհետև բազայի առկայությունը կենսական նշանակություն չունի ՀՀ-ի համար։ Եթե ՌԴ-ն ցանկանում է պահպանել բազան, մենք պատրաստ ենք քննարկել։ Ահա ամբողջ պատմությունը և հայտարարությունները․ ոչ ավել, ոչ պակաս»,- նշեց Փաշինյանը։