Մետրոյի գծերի բաց հատվածում քաղաքացի է հայտնվել

520

Երեքշաբթի, 21 հունվարի, 2025 թ., 16:42

️Երևանի Կ. Դեմիրճյանի անվան մետրոպոլիտենի կայարաններից մեկում երկաթուղային գծերի բաց հատվածում քաղաքացի է հայտնվել: Այս մասին «Սպուտնիկ Արմենիա»-ին հայտնել է մետրոպոլիտենի մամուլի խոսնակ Աննա Ասլանյանը։

«Մեքենավարը տեսել է քաղաքացուն, ստիպված արգելակել է, ու այդ պատճառով էլ աշխատանքը փոքր-ինչ խափանվել է։ Նշված ժամանակից մոտ 10 րոպե գնացքն ուշացել է»,- նշեց Ասլանյանը։

Հարցին՝ ինչպես է քաղաքացին հայտնվել գծերի վրա, նա պատասխանեց՝ գուցե տեղանքում չի կողմնորոշվել։