«Որոշման նախագիծը ոչ թե պետք է փոխել, այլ՝ աղբը նետել». Գրիգոր Երիցյան

Երևանի ավագանու նախկին անդամ Գրիգոր Երիցյան ֆեյսբուքյան գրառումը. «Քիչ առաջ Ավինյանը արձակուրդից հայտարարեց, որ փետրվարի 11-ին Երևանի ավագանին կքննարկի տրանսպորտի սակագների նոր առաջարկ, բայց այդ նոր առաջարկում ոչ մի նոր բան չկա՝
* 1 ուղևորությունը կմնա 300 դրամ, բայց տոմսի տևողությունն առաջարկում են դարձնել 180 րոպե, ներկայից 90 րոպեի փոխարեն։ Արդյո՞ք սա որևէ հարց է լուծում։ Իհարկե՝ ոչ։ 3 ժամվա ընթացքում մարդ քանի՞ տրանսպորտային միջոց է փոխում աշխատանքի հասնելու համար։ Արդյո՞ք Երևանում մի կետից մյուսը հասնելու համար որևէ մեկը 3 անգամ տրանսպորտ է փոխում։
* 24 ժամ տևողությամբ (1 օր) տոմսը կլինի 900 դրամ՝ օրվա ընթացքում անսահմանափակ երթևեկելու հնարավորությամբ։ 24 ժամն իհարկե է շատ լավ է հնչում, բայց Երևանում հանրային տրանսպորտը 24 ժամ չի աշխատում։ Անգամ եթե աշխատեր, մարդը օրվա ընթացքում 9 անգամ տրանսպորտից չի օգտվում։
* Մեկանգամյա կամ 24 ժամվա տոմսերի վրա ոչ մի զեղչ ոչ մեկի համար չի գործել և չի գործելու։
Երևանի ավագանու այս որոշման նախագիծը ոչ թե օրը մեջ փոխել է պետք, այլ պետք է աղբը նետել և մշակել նոր նախագիծ՝ հիմնված մարդկանց կարիքների ու հնարավորությունների վրա»: