Փաշինյանը չհստակեցրեց՝ Դավոսում հանդիպում նախատեսվո՞ւմ է Ալիևի հետ, թե՞ ոչ

ԱԺ-ում վարչապետ Նիկոլ Փաշինյանից հետաքրքվեցին, թե վաղը Դավոսում, որտեղ նա մասնակցելու է Համաշխարհային տնտեսական ֆորումին, ի՞նչ հանդիպումներ են սպասվում։

«Դավոսի համաժողովը երկուշաբթի է սկսվել, բայց ես չեմ մեկնել Հայաստանի Հանրապետության օրենսդրությամբ ԱԺ հարցուպատասխանին մասնակցելու համար,- նշեց Փաշինյանը: -Հիմա կստացվի, որ վերջին 2 օրն եմ մասնակցելու: Այնտեղ նախատեսված է իմ մասնակցությունը պանելային քննարկումներին, և կունենամ մի շարք հանդիպումներ, և միջազգային գործընկերների հետ կքննարկենք մեր ընդհանուր հարցերը:

Ըստ ամենայնի, հանդիպում կունենամ նաև շվեյցարահայ համայնքի ներկայացուցիչների հետ, որը դեռ հաստատման կարիք ունի, որովհետև Դավոսում չէ դա և կախված է գրաֆիկներից»:

Փաշինյանը չհստակեցրեց՝ Դավոսում հանդիպում նախատեսվո՞ւմ է Ադրբեջանի նախագահ Իլհամ Ալիևի հետ, թե ոչ։