«Քաղաքապետարանը թող հրապարակի թվերը, տեսնենք՝ ինչ հավաքագրում է եղել». Հայկ Մարության

«Վարորդներն ասում են՝ օրվա վերջում քաղաքացիների 90-95 տոկոսը վճարում է, էն 5-10 տոկոսն է բոյկոտում»,- նման հարց ուղղվեց Երևանի նախկին քաղաքապետ Հայկ Մարությանին, ով շարունակում է աջակիցների հետ ակցիաներ իրականացնել տրանսպորտի թանկացման դեմ:

Մարությանը պատասխանեց. «Մենք հակառակ ինֆորմացիան ունենք: Դրա համար գոյություն ունի քաղաքապետարան. թող հրապարակեն թվերը՝ տեսնենք, թե ինչ վճարումներ են եղել, ինչ հավաքագրում է եղել: Իհարկե, դա պետք է համեմատել անցած տարվա նույն ժամանակահատվածի հետ: Այս բոյկոտը հո նոր չի սկսվել, բոյկոտի առաջին փուլն այն է, որ մարդիկ չեն գնել փաթեթները»: