«100 դրամդ քեզ պահի, գժվցրիք արդեն». վեճ՝ ավտոբուսում

Քիչ առաջ վիճաբանություն տեղի ունեցավ Հայկ Մարությանի համախոհների և ավտոբուսի վարորդի միջև: Վարորդը քաղաքացիներից մեկին ասում էր, որ իրավունք չունի 100 դրամ վերցնելու. «Կոպեկ մի դրեք, չեմ վերցնելու, նստում եք՝ նստեք»: Մարությանի աջակցի դիտարկմանը՝ ուղևորին ինչի՞ եք ասել՝ իջի, որի իրավունքը չունեք, պատասխանեց. «Սկզբում բարի ձևով ասել եմ՝ գումարդ վերցրու, վերջում ասացի՝ դե ուրեմն իջի: Կրկնում եմ՝ ինքն ասաց՝ բոյկոտում եմ, 100 դրամ եմ դնում, ասացի՝ բոյկոտդ քեզ պահի, ես աշխատում եմ, չեմ ուզում 100 դրամի համար գործից ազատվեմ»: Ուղևորն ասաց, որ վարորդը գումարը նետել է դուրս: