«Ժաննա Անդրեասյանը փորձում է խուսափել պատասխանատվությունից»․ Հայկ Դեմոյան

ՀՑԹԻ նախկին տնօրեն, պատմաբան Հայկ Դեմոյանի ֆեյսբուքյան գրառումը․ «Ժաննա Անդրեասյանը հիմնավորում է դատական պատասխանատվության ենթարկվելու հեռանկարը։ Մեջբերում նախարարի Ծիծեռնակաբերդ կատարած այսօրվա կանխարգելիչ այցի ժամանակ արված հայտարարությունից: «Մասնագիտական խնդիրներին արդյունավետ լուծումներ տալու նպատակով ԿԳՄՍ նախարարն առաջարկել է ըստ անհրաժեշտության ներգրավել նաև մասնագիտական առաջատար կառույցների ներուժը՝ ստանալով նրանց կարծիքն ու դիտարկումները»:
Ուրեմն Ժաննա Անդրեասյանը ձևախեղում ու ոչնչացնում է հուշահամալիրի մաս կազմող մույթերը, բայց այսօր հետին թվով փորձում է խուսափել պատասխանատվությունից ու այսպիսի «հանճարեղ» միտք է արտահայտել Ծիծեռնակաբերդում:
Թե որտե՞ղ էր մինչ այդ «հանգստանում» նախարարի գանգատուփի մեջ գտնվող գորշ զանգվածը, այդ հարցով ներկա պահին զբաղվում են մասնագետները»: