Թրամփը «փայլուն» է անվանել փոխնախագահ Վենսի ելույթը

ԱՄՆ նախագահ Դոնալդ Թրամփը «փայլուն» է անվանել Մյունխենի անվտանգության համաժողովում ԱՄՆ փոխնախագահ Ջեյմս Դեյվիդ Վենսի ելույթը։

«Նա խոսեց խոսքի ազատության մասին։ Եվ ես կարծում եմ, որ ճիշտ է, որ Եվրոպայում կորցնում են խոսքի ազատության հրաշալի իրավունքը։ Ես դա տեսնում եմ»,- ասել է Թրամփը։ Այս մասին հայտնում է ՏԱՍՍ-ը։

ԱՄՆ նախագահը նաև նշել է, որ Վենսն իր ելույթում մատնանշել է եվրոպական երկրներում ներգաղթի խնդիրը։ Թրամփը հաստատել է Վենսի խոսքերը՝ հայտարարելով, որ հանցագործությունը ԵՄ-ում աճում է։