Հրապարակախոս Ալեքսանդր Նևզորովը ներառվել է ՌԴ-ի «ծայրահեղականների և ահաբեկիչների» ցուցակում

Ռոսֆինմոնիտորինգը (Դաշնային ֆինանսական մոնիթորինգի ծառայությունը) հրապարակախոս և նախկին հեռուստահաղորդավար Ալեքսանդր Նևզորովին ներառել է «ծայրահեղականների և ահաբեկիչների» ցուցակում։ Նևզորովի՝ ցուցակում ընդգրկվելուց հետո նրա ռուսական բանկային հաշիվները կարգելափակվեն, իսկ նրա անշարժ գույքը կառավարելու իրավունքները կսահմանափակվեն։

2024 թվականի ամռանը Նևզորովի ընտանիքը հայտարարվեց «ծայրահեղական միավորում»։ 2025 թվականի մայիսին հրապարակախոսի և նրա կնոջ՝ Լիդիայի դեմ քրեական գործ հարուցվեց «ծայրահեղական» գործունեությունը ֆինանսավորելու համար։ Մեղադրանքները ծագել են անանուն հաղորդագրությունների հավելվածում նրանց էջերում տեղադրված հղումներից՝ «միավորման նպատակներին հասնելու համար միջոցներ հայթայթելու, ինչպես նաև նրանց անձամբ միջոցներ փոխանցելու համար»։

2022 թվականի ապրիլին Նևզորովը որակվեց՝ որպես «օտարերկրյա գործակալ»։ 2026 թվականի օգոստոսին Սանկտ Պետերբուրգի դատարանը նրան հեռակա կարգով ձերբակալեց՝ «ծայրահեղականության» ֆինանսավորման և «օտարերկրյա գործակալի» իր պարտականություններից խուսափելու մեղադրանքով։

2023 թվականի փետրվարին Մոսկվայի դատարանը Ալեքսանդր Նևզորովին հեռակա կարգով դատապարտեց ութ տարվա ազատազրկման՝ «բանակի մասին կեղծ լուրեր» տարածելու մեղադրանքով։

Նևզորովը դեմ է Ռուսաստանի կողմից Ուկրաինա լայնածավալ ներխուժմանը և կտրուկ քննադատում է ռուսական իշխանություններին։ Նա լքել է Ռուսաստանը 2022 թվականի մարտին։