«Նման ազգանվեր մարդու կորուստը մեծագույն հարված է բոլորիս համար»․ «Սրբազան պայքար»

«Սրբազան պայքար» շարժման թելեգրամյան գրառումը․

«Ցավով տեղեկացանք, որ կյանքից հեռացել է Ավետիք Իշխանյանը:

Կարդալով նրա իսկ կողմից գրված հրաժեշտի խոսքերը՝ ակնհայտ է, որ Իշխանյանի նման հայրենասեր, արցախյան ազատագրական պայքարի ու Հայոց պետականության վերականգնման ակունքներում կանգնած մարդու համար մեր համազգային ողբերգությունն ու կորուստները չէին կարող իրենց անդառնալի հետքը չթողնել թե՛ ֆիզիկական, թե՛ հոգեբանական առումով։

Մեր ցավակցություններն ենք հայտնում Ավետիք Իշխանյանի հարազատներին, մտերիմներին ու ընկերներին։

Նման ազգանվեր մարդու կորուստը մեծագույն հարված է բոլորիս համար»։