««Լուզերներ», «չորացրած Գեբելսիկ»»․ Արսեն Թորոսյանի ու Լևոն Զուրաբյանի՝ միմյանց վիրավորող գրառումները

ՀԱԿ փոխնախագահ Լևոն Զուրաբյանն ու սոցիալական հարցերի նախարար Արսեն Թորոսյանը միմյանց վիրավորող գրառումներ են կատարել։
Լևոն Զուրաբյանը գրել էր․ «Թրամփը Իլհամ Ալիևին գրել է. «You are a great leader», ինչ անգլերեն նշանակում է՝ «Դուք մեծ առաջնորդ եք»: Իսկ Փաշինյանին գրել է. «You are great!», ինչը անգլերեն նշանակում է «Ապրե՛ք», «Вы молодец!»: Այսինքն, անգամ էս գրառումներով էլ է ընդգծվում, որ Ալիևը այս ամենում ունի ծանրակշիռ դերակատարում, մինչդեռ Նիկոլ Փաշինյանը՝ իր դերը հաջող կատարած բուտաֆորիայի»։
Ի պատասխան Արսեն Թորոսյանը գրել էր․ «Ու էս լուզերները ժամանակին պետական պաշտոն են զբաղեցրել հերիք չի, մի հատ էլ իրենց քաղաքական ուժ են համարում ու ժողովրդից քվե ստանալու հույս ունեն։ Մեզնից շատերն էլ դե ժամանակին միամտաբար նրանց լուրջ մարդու տեղ էին դրել։ Լավ է չի գրել, «Նիկոլ Փաշինյանի նկարի վրա տեքստի չափերը փոքր են կամ գրիչի գույնը այլ է և դա նշանակում է, որ Թրամփը նրան ավելի վատ է վերաբերվում, քան Ալևին։»
Հիմա սա ծերունական մանկամտություն է, որ փոխանցվել է վերից վար, թե՞ պարզ կրետինիզմ»։
Թորոսյանի այս գրառմանն արձագանքելով՝ Զուրաբյանը գրել է․ «Էս չորացրած Գեբելսիկին, որը ժամանակին մարդու կերպարանք ուներ ու Նիկոլի թիմի ֆոնին աչքի էր ընկնում գոնե տանելի IQ-ի մակարդակով, բայց համընդհանուր բժշկական ապահովագրության ռեֆորմը տապալելուց հետո և չարաշահման բազմաթիվ քրեական գործերի ճնշման տակ իր ինտելեկտն է՛լ, բարոյականությունն է՛լ համահարթեցրել է Նիկոլի մակարդակին, բացատրեք, որ երբ մենք «պետական պաշտոն ենք զբաղեցրել», մենք ապահովել ենք Հայաստանի հաղթանակը մեզանից մի քանի անգամ բոլոր տեսակների ռեսուրսներով ավելի հզոր Ադրբեջանի նկատմամբ:
Իսկ բառիս բուն իմաստով «լուզերները» էսօրվա ձեր կառավարությունն ա, որի մասին Նիկոլը, բոլորիդ տրորելով, ասել ա՝ «կառավարություն ես եմ» ու ճիշտ ա ասել, որը, տանուլ տալով Արցախը և Հայաստանի սուվերեն տարածքի 200 քառակուսի կիլոմետր, հիմա էլ խոստանալով 99 տարով «արտապատվիրակել» նաև «Զանգեզուրի միջանցքը», դարձել է Հայաստանի պարտության և նվաստացման հավերժական խորհրդանիշը»: