«Թթուջուր-Նավուր ավտոճանապարհի հիմնանորոգման ժամկետները խախտել են»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Կարևոր ավտոճանապարհի հիմնանորոգման ժամկետները խախտել են։
Տարածքային կառավարան և ենթակառուցվածքների նախարար Դավիթ Խուդաթյանին հարցրել եմ․ «Թթուջուր-Նավուր հանրապետական նշանակության ավտոճանապարհի 15 կիլոմետրի կառուցապատումը ծրագրով ե՞րբ էր նախատեսված ավարտել, ե՞րբ այն կավարտվի»։ Տարածքային կառավարման և ենթակառուցվածքների նախարարի տեղակալ Ա․ Վարդանյանի ստորագրությամբ պատասխանում նշված է․ «Թթուջուր-Նավուր ավտոճանապարհի կմ 0+000- կմ 15+100 հատվածի հիմնանորոգման վերաբերյալ տեղեկացնում, ենք, որ աշխատանքները նախատեսված էր ավարտել 2024թվականի նոյեմբերին, սակայն կապալառուն չի կարողացել սահմանված ժամկետում ավարտել աշխատանքները, որի համար ենթարկվել է ֆինանսական տույժի։ Աշխատանքները նախատեսվում է ավարտել մինչև սույն թվականի վերջը»։