«Եթե քաղաքացիները չբոյկոտեն, մենք ոչինչ չենք կարող անել». Գրիգոր Իսկանդարյան

«Մենք՝ ավագանու անդամներս, պայքարում ենք քաղաքային տրանսպորտի թանկացման դեմ քաղաքացիների համար: Այսինքն՝ մենք մեզնով ոչինչ չենք կարողանալու անել»,- ասաց Երևանի ավագանու «Մայր Հայաստան» խմբակցության անդամ Գրիգոր Իսկանդարյանը՝ ընդգծելով, որ պետք է քաղաքացին որոշի՝ ինքը հարմարվո՞ւմ է այս թանկացումներին, թե՞ ոչ: «Եթե մեր քաղաքացիները չհարմարվեն և բոյկոտեն, ապա կհաջողենք, կկարողանանք գինն իջեցնել 100 դրամի: Բայց եթե քաղաքացիները չբոյկոտեն, մենք թեկուզ ամեն օր էլ դուրս գանք ակցիաների՝ ոչինչ չենք կարող անել: Տոտալ բոյկոտի ժամանակ միանշանակ մենք կհաջողենք»,- նշեց ավագանու անդամը: