«Իսրայելը ձևավորել է պատերազմի հետաքրքիր ձեռագիր, որը պետք է ուսումնասիրել»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Իսրայելը հայտարարել էր ամբողջ Մերձավոր Արևելքում իրականացվող գաղտնի ռազմական օպերացիայի մասին։ Այդ օպերացիայի մի հատվածը ուղղված էր Սիրիայի դեմ, մյուսը՝ Լիբանանի, առավել կարևոր մասը՝ Գազայի դեմ նոր գրոհն էր, բայց էլ ավելի կարևոր մասը փաստորեն Եմենի հուսիների դեմ գործողությունն էր, որի բուն նպատակը փաստորեն իշխող վերնախավի ոչնչացումն էր։ Իսրայելի հասցրած վերջին հարվածների հետևանքով զոհվել են Եմենի հուսիների կառավարության անդամներ։ Հուսիները հայտարարել են պաշտոնապես, որ ավիահարվածի հետևանքով զոհվել է վարչապետ Ահմադ առ-Ռահավին և մի շարք նախարարներ։ Հարվածի պահին կառավարությունը նիստ է անցկացրել։
Արդեն հայտարարել են Մուհամմադ Մուֆտահային վարչապետի նոր պաշտոնակատար նշանակելու մասին։
Միաժամանակ հայտարարությամբ է հանդես եկել երկրի պաշտպանության նախարար Մուհամմադ Նասեր ալ-Ատիֆին, հայտարարելով, հարվածների հետևանքով որևէ զինվորական չի տուժել։
Իսրայելը ձևավորել է պատերազմի բավականին հետաքրքիր ձեռագիր, որը անկասկած պետք է ուսումնասիրել»։