Երկուշաբթի, 23 փետրվարի, 2026 թ.
|
Ստեփանակերտում`   +6 °C

«Մենք հո օգուտի համար չենք անում. նույնն է, որ ասես՝ ծնողիդ գերեզմանին գնալուց ի՞նչ օգուտ ունես». Էդգար Ղազարյան

«Մենք հո օգուտի համար չենք անում. նույնն է, որ ասես՝ ծնողիդ գերեզմանին գնալուց ի՞նչ օգուտ ունես». Էդգար Ղազարյան
136
Շաբաթ, 30 օգոստոսի, 2025 թ., 22:54

«Անկախության հռչակագրի 11-րդ կետը սահմանում է, որ ՀՀ-ն հետևողական ջանքեր է գործադրում 1915թ-ին Օսմանյան Թուրքիայում և Արևմտյան Հայաստանում տեղի ունեցած Հայոց Ցեղասպանության միջազգային ճանաչման և դատապարտման ուղղությամբ: Այսինքն՝ մեր պետությունը հիմնադրման պահին պարտավորություն է ստանձնել մշտապես հետևողական ջանքեր գործադրել այդ ուղղությամբ: Դրան միտված է եղել մեր արտաքին քաղաքականությունը»,- «Եվրոմեդիա»-ի եթերում ասել է հասարակական, քաղաքական գործիչ Էդգար Ղազարյանը՝ անդրադառնալով Նիկոլ Փաշինյանի այն արտահայտությանը, թե «Հայոց ցեղասպանության ճանաչումը մեր երկրի շահերի հետ կապ չունի»:

«Մենք դա հո օգուտի համար չենք անում: Մենք ունենք արժեքներ:

Դա նույնն է, որ զավակին ասես՝ քո ծնողի գերեզմանին այցելելուդ, նրան հիշելուդ, նրա հիշատակը խնկարկելուդ օգուտը ո՞րն է»,- նշել է Ղազարյանը՝ հավելելով, որ խնդիրը այդպիսի ցեղասպանությունները կանխարգելելն է: