Հինգշաբթի, 04 հունիսի, 2026 թ.
|
Ստեփանակերտում`   +19 °C

«Հերյուրանք է, թե ես Տիգրան Ավինյանի ազգականն եմ»․ թիվ 144 դպրոցի տնօրեն

«Հերյուրանք է, թե ես Տիգրան Ավինյանի ազգականն եմ»․ թիվ 144 դպրոցի տնօրեն
2037
Չորեքշաբթի, 19 փետրվարի, 2025 թ., 16:54

«Մայր Հայաստան» դաշինքի անդամ Սոնա Աղեկյանը տեսանյութ էր տարածել իր էջում՝ կից գրառմամբ. «Երևանի հ.144 հիմնական դպրոցի առաջին դասարանի ծնողները պահանջում են, որ դասղեկին վերականգնեն աշխատանքի, քանի որ, ըստ ծնողների, դասվարն անհիմն է հեռացվել աշխատանքից: Դասվարի հետ երեխաներն արդեն կապվել էին, մտերմացել ու հիմա, իմանալով, որ դասվարը չի դասավանդելու, հրաժարվում են հաճախել: Դասարանում կան նաև ներառական երեխաներ, որոնց համար դժվար է դասվարից հեռանալը»:
Դպրոցի տնօրեն Արմինե Պողոսյանը «Մայր Հայաստան» խմբակցության ավագանու անդամներին որոշ պարզաբանումներ ներկայացրեց․ «Վարդուհի Խաչատրյանը (դասղեկը) անցնում է քրեական վարույթով, դիմել է դատական պրոցեսների։ Դատական պրոցեսը ցույց կտա՝ ինչպես է եղել այդ ամենը»,- ասաց տնօրենը՝ մանրամասներ չհայտնելով, թե ինչ վարույթի մասին է խոսքը։
Արմինե Պողոսյանը հերյուրանք համարեց այն լուրերը, թե ինքը քաղաքապետ Տիգրան Ավինյանի ազգականն է և վայելում է նրա հովանավորչությունը։ Տնօրենն, անդրադառնալով երեխաների բացակայությանը, ասաց, որ ծնողներից ոմանք հայտնել են, թե վայբերով է գրվել, որ երեխաներին դպրոց չտանեն։

Դպրոցի տնօրենի պարզաբանումը