Դաղստանում սառցալուլան ընկել է երեխայի հետ զբոսնող կնոջ գլխին

ՌԴ Դաղստանի մայրաքաղաք Մախաչկալայում սառույցը տանիքից պոկվել և ընկել է զբոսնող մոր և նրա գրկում գտնվող երեխայի վրա:

Դեպքը տեղի է ունեցել Ալիբեկովա փողոցում։ Տեսանկարահանող սարքը նկարահանել է պատահարը: Կինն ստացել է գանգուղեղային բաց վնասվածք, նրա վիճակը գնահատվում է միջին ծանրության։

Ինչպես հայտնում է Baza-ն, ընկնելուց հետո կինը կորցրել է գիտակցությունը, և նրան օգնության են շտապել անցորդները։

Կինն այժմ գտնվում է նյարդավիրաբուժության բաժանմունքում։

Նրա երեխան չի տուժել, միայն թեթև քերծվածքներ է ստացել։ Բայց նա դեռ բժիշկների հսկողության տակ կլինի։