«Ստացվում է՝ կրթության ֆինանսավորման ներքո արտագաղթ ենք ֆինանսավորում»․ Նիկոլ Փաշինյան

««Լույս» հիմնադրամի պարագայում կրթաթոշակառուների շուրջ 20% է ընդամենը, որ վերադարձել է և որևէ ներդրում է ունեցել երկրի տնտեսությունում»,- լառավարության նիստի ժամանակ հայտնեց ԿԳՄՍ նախարար Ժաննա Անդրեասյանը՝ ներկայացնելով ՀՀ ռեզիդենտ առևտրային կազմակերպությունների աշխատակիցների ուսումն օտարերկրյա հեղինակավոր բարձրագույն ուսումնական հաստատություններում խթանելու նպատակով կրթաթոշակի տրամադրման կարգը հաստատելու մասին նախագծը։

«Ստացվում է՝ կրթության ֆինանսավորման ներքո մենք արտագաղթ ենք ֆինանսավորում, ընդ որում՝ պատճառների մեջ չեմ ուզում խորանալ»,- արձագանքեց վարչապետ Նիկոլ Փաշինյանը՝ նշելով, որ նման գործունեություն փորձել են պատվիրակել «Իմ քայլը» հիմնադրամին, որտեղ էլ «40% չվերադարձելիություն կա»։