«Երևանի թիվ 76 դպրոցում քաոս է, դասադուլ»․ Սյուզի Բադոյան

Լրագրող Սյուզի Բադոյանի ֆեյսբուքյան գրառումը՝ կից տեսանյութով․ «Երևանի թիվ 76 դպրոցում քաոս է, դասադուլ։ ԿԳՄՍ նախարարն ու քաղաքապետ Ավինյանը չկան, թռած են։ Մեկ ծնողի սպառնալիքով 30 երեխա դասի չի ներկայանում 1 շաբաթ շարունակ։ 2-ա դասարանը դասադուլ է հայտարարել։ Միայն 1 երեխայով ֆիկտիվ դասապրոցես վարած տնօրեն Տկ. Ադամյանը հրաժարվում է պարզաբանումներ տալ, ինչի իրավունքը չունի:
Երկու ուստարի ձգվող խնդիրը ոչ կառավարելի երեխան է ու նրա մայրը, ով արդեն իսկ ուսուցչի է ծեծել դասասենյակում, քրգործ կա։ Հիմա սպառնում է վնասել տնօրենին, ասել է՝ էսենցիա չգիտեմ ինչ կլցնեմ վրադ, իր զավակի դասընկերներին է սպառնում դպրոցի բակում։ Ծնողի հետ խնդիրը քաոս է ստեղծել հեղինակավոր դպրոցում, քանի որ պաշտոնյաները թքած ունեն երեխաների ուսումից զրկված իրավունքի և դպրոցից դուրս մնալու ռիսկերի վրա։ Բացակայությունները շարունակում են։
Ստիպված եղա այսպես հանրային հնչեղություն տալ խնդրին, քանի որ տնօրենը իր պաշտոնն ավելի է նախընտրում, քան կառուցողական դաշտում համագործակցությունն ու երեխաների իրավունքը․․․
Հուսամ այս խնդրին լուծում կտրվի ՆԳՆ, ԿԳՄՍ, Սոցապ նախարարության և Երևանի քաղաքապետարանի միասնական ջանքով։
Այս բոլոր կառույցների անգործությունն է ծնել այս փնթի ու անկառավարելի իրավիճակը հանրակրթական դպրոցում»։
Մանրամասները՝ տեսանյութում։