«Տավուշում 110 հազար գյուղատնտեսական հողերից ընդամենը 6 հազար 277 հեկտարն է ոռոգվում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «110 հազար գյուղատնտեսական հողերից ընդամենը 6 հազար 277 հեկտարն է ոռոգվում

Տավուշի մարզի գյուղատնտեսական նշանակության հողերը ըստ հողային հաշվեկշռի 110 665,6 հեկտար են, որից վարելահող՝ 25485,3 հեկտար, բազմամյա տնկարկներ՝ 1981,8 հեկտար, այդ թվում խաղողի այգիներ՝ 1195,3 հեկտար, պտղատու այգիներ՝ 786,5 հեկտար, խոտհարքներ՝ 9400,6 հեկտար, արոտավայրեր՝ 63006 հեկտար, այլ հողատարածքներ՝ 10791,8 հեկտար։ Տավուշի մարզպետ Հայկ Ղալումյանին հարցրել եմ՝ որքա՞ն են կազմում մարզի ոռոգելի հողերը, որ համայնքում՝ քանի՞ հեկտար։ Մարզպետարանից պատասխանել են․ «Համաձայն ՀՀ կառավարության 23.10.2000թ. N656 որոշման, յուրաքանչյուր տարվա հողային հաշվեկշիռը կազմվում է հողերի պետական հաշվառման տվյալ տարվա ընթացիկ տվյալների հիման վրա՝ յուրաքանչյուր տարվա հուլիսի 1-ի դրությամբ: Տրամադրվող տեղեկատվությունը կազմված է 01.07.2024թ. դրությամբ՝ Իջևան 1298.1 հա,Դիլիջան 68.2 հա, Բերդ 1581.3 հա, Նոյեմբերյան 3530.0 հա»: Այսպիսով՝ Տավուշում ոռոգելի հողերը ընդհանուր 6277,6 հեկտար են»։