«Արդյո՞ք դուք էլ Գանձասարը հայկական չեք համարում»․ լրագրողը՝ Սոնա Ղազարյանին

«Օկուպացված Արցախում Հաջիևը Գանձասարը համարում է ոչ հայկական, աղվանական։ Ինչո՞ւ Հայաստանից պաշտոնական մակարդակով որևէ կառույցից պատասխան չի հնչում, արդյո՞ք Գանձասարը դուք էլ հայկական չեք համարում»,- ճեպազրույցի ժամանակ լրագրողը հարց ուղղեց ՔՊ-ական պատգամավոր Սոնա Ղազարյանին։
«Սատարում եմ Ռուբեն Ռուբինյանի այն պնդումը, որ նման հայտարարությունները չեն նպաստում խաղաղության ուժեղացմանը։ Խաղաղությունը կա, բայց այն խնամքի կարիք ունի և նման հայտարարությունները այդ գործընթացին ոչ միայն չեն օգնում, այլ նաև անհիմն են։ Մենք ակնկալում ենք, որ 2 կողմերը հավասարաչափ հոգատարությամբ հանդես կգան խաղաղության նկատմամբ»,- պատասխանեց ՔՊ-ական պատգամավորը։
«Որպես քաղաքացի՝ հասկանում եմ ձեր անհանգստությունը, զգացմունքները, բայց որպես խորհրդարան, պետք է նկատենք այն առաջընթացը, որ առկա է Հայաստան-Ադրբեջան հարաբերություններում․ մենք ունեցել ենք կոնֆլիկտ, ծանր պատմություն, դա որևէ մեկը չի հերքում, բայց եկեք նկատենք, որ Հայաստանն ու Ադրբեջանը կարևոր հարցերի շուրջ եկել են համաձայնության և դրանք ամրագրել 2 կարևորագույն փաստաթղթերում, դա սահմանազատման-սահմանագծման աշխատակարգն է, և խաղաղության պայմանագրի նախաստորագրումը»,- հավելեց Ղազարյանը։