«Հետքայլի հնարավորություն չունենք, մտնելու ենք պայքարի հաջորդ փուլ»». Նժդեհ Իսկանդարյան

«Կառավարությունը հաստատակամ է և ուղիղ ասում է, որ որոշումը չի փոխվելու»,- «24Նյուզ»-ի եթերում ասել է Արցախցիների իրավունքների պաշտպանության խորհրդի անդամ Նժդեհ Իսկանդարյանը՝ անդրադառնալով փոխվարչապետ Տիգրան Խաչատրյանի հետ խորհրդի անդամների հանդիպմանը: Իսկանդարյանի խոսքով՝ «40+10 հազար դրամ» աջակցության բացակայության դեպքում բազմաթիվ արցախցիներ հայտնվելու են փողոցում կամ արտագաղթելու են:

«Մենք հետքայլի հնարավորություն չունենք, մտնելու ենք պայքարի հաջորդ փուլ: Մինչև ապրիլի 15-ը սկսելու ենք հանրային լայն քննարկումներ, որից հետո հայտարարելու ենք հանրահավաքի օրվա մասին, այնուհետև գնալու ենք հստակ գործողությունների: Մենք ունենք և՛ պլան Բ, և՛ պլան Ց, և՛ պլան Դ»,- նշել է Իսկանդարյանը՝ հավելելով, որ փոխվարչապետի միջոցով փորձելու են վարչապետին ուղղել իրենց հարցերը: