Ուրբաթ, 15 մայիսի, 2026 թ.
|
Ստեփանակերտում`   +14 °C

«Խոստացան 1 ամիս երկարաձգել 50-հազարական դրամ աջակցությունը, բայց վրանը հանելու նախապայմանով»․ Նժդեհ Իսկանդարյան

«Խոստացան 1 ամիս երկարաձգել 50-հազարական դրամ աջակցությունը, բայց վրանը հանելու նախապայմանով»․ Նժդեհ Իսկանդարյան
4459
Երեքշաբթի, 08 ապրիլի, 2025 թ., 21:22

«Երեկ հանդիպել ենք փոխվարչապետ Տիգրան Խաչատրյանի հետ, քննարկել ենք հրատապ սոցիալական հարցեր, պատրաստակամություն են հայտնել ևս մեկ ամիս երկարաձգել 50-հազարական դրամ աջակցության ցուցբերումը, բայց նախապայմանով, որ մեր վրանը հանենք։ Այսօր մենք խորհրդի անունից պատասխանել ենք, որ նպատակահարմար չենք գտնում այդ նախապայմանի կատարումը»,- այս մասին «24Նյուզ»-ի հետ զրույցում նշեց Արցախցիների իրավունքների պաշտպանության խորհրդի համակարգող Նժդեհ Իսկանդարյանը։

Նա նաև հավելեց, որ փորձելու են մինչև ապրիլի 15-ն այստեղ հանդիպումներ կազմակերպել արցախյան և հայաստանյան այն քաղաքական ուժերի հետ, որոնք կհամախմբվեն իրենց օրակարգի շուրջ։ «Որից հետո հայտարարելու ենք հանրահավաքի մասին, և եթե մինչ այդ կառավարությունն իր դիրքորոշումը չփոխի, անցնելու ենք հստակ գործողությունների»,- ասաց Իսկանդարյանը։

Նշենք, որ այսօր Ազատության հրապարակում Արցախցիների իրավունքների պաշտպանության խորհրդի անդամները հանդիպում են ունեցել արցախյան 2 քաղաքական ուժերի՝ ՀՅԴ-ի և «Ազատ հայրենիք» դաշինքի ներկայացուցիչների հետ։

«Խոստացան մեկ ամիս երկարաձգել 50-հազարական դրամ աջակցությունը, բայց վրանը հանելու նախապայմանով»․ Նժդեհ Իսկանդարյան