«Փաշինյանն անհետաքրքիր է դարձել արդեն նաև Էրդողանի համար». Սևակ Հակոբյան

356

Երկուշաբթի, 14 ապրիլի, 2025 թ., 21:36

Լրագրող Սևակ Հակոբյանը ֆեյսբուքյան իր էջում տեսանյութ է հրապարակել՝ կից գրելով. «Փաշինյանն անհետաքրքիր է դարձել արդեն նաև Էրդողանի համար:

Թուրքիան քանի անգամ սկսել է, բայց ոչ մի անգամ չի շարունակել ՀՀ-ի հետ հարաբերությունների հաստատման բանակցությունները: Նախապայմաններ է դրել, չեն ընդունել, դադարեցրել է բանակցությունները: Նրան չի հետաքրքրել հարաբերությունների կարգավորումը, այլ հետաքրքրել է իր նախապայմանների կատարումը: 2009-ին «Ֆուտբոլային դիվանագիտությունը» նույն դրա մասին չէ՞ր: Հիմա էլ բոլոր նախապայմանները կատարել են, հիմա ինչո՞ւ չի կառուցում այդ հարաբերությունները: Ադրբեջանի և Թուրքիայի պահանջները կատարելուց հետո դարձել եք անհետաքրքիր իրենց համար, էլ ձեզ հետ որևէ բան ստորագրելու իմաստը չեն տեսնում: Թուրքիան իմիջիայլոց է այս հարաբերությունների կարգավորմանն անդրադառնում, դուք սարքել եք կյանքի ու մահվան հարց»:

Մանրամասները՝ տեսանյությում:

Աղբյուրը` Սևակ Հակոբյան