«Նիկոլին իշխանության բերողների և սպասարկողների լյուստրացիան». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանի ֆեյսբուքյան գրառումը. «Նիկոլին իշխանության բերողների և սպասարկողների լյուստրացիա
Վերջերս ներկայացրել էի՝ արտաքին որ ուժերն ու ինչ նպատակով են Նիկոլին իշխանության բերել, իսկ ավելի վաղ փաստերով հիմնավորել, թե այդ գործընթացում ովքեր են ներսում սպասարկել, ուստի նպատակահարմար չեմ գտնում կրկին անդրադառնալ այդ թեմային, ընդամենը կներկայացնեմ փաստեր, որով լյուստրացիայի կենթարկվեն բոլոր նրանք, որոնք սպասարկում են Նիկոլին և նրա խմբակին։
Նիկոլը 2018թ-ից անընդհատ խոսում է կոռուպցիայի դեմ պայքարի և զրո հանդուրժողականության մասին, այն դեպքում, երբ ինքը, իր ընտանիքը, ՔՊ-ականները ներքաշված են լայնածավալ կոռուպցիայի մեջ՝ միաժամանակ փոշիացնելով պետական միջոցները, հատկապես՝ սեփական հաճույքների համար։
Բազմիցս փաստերով ներկայացրել եմ վարչապետի ընտանեկան բիզնեսի կոռուպցիոն դրսևորումների, փողերի լվացման, օրենքների ոտնահարման մասին, որոնք հիմնականում հրապարակել եմ իմ ֆեյսբուքյան էջով, ինչը տարածվել է 1-2 լրատվամիջոցների կողմից։
Հիմա հարց՝ ինչո՞ւ իրենց ընդդիմադիր համարող լրատվամիջոցները չեն հրապարակում և տարածում Նիկոլի, նրա ընտանեկան բիզնեսի կոռուպցիոն դրսևորումների, փողերի լվացման փաստերը, պատասխանն ակնհայտ է՝ կա՛մ վախենում են, կա՛մ գործարքի մեջ են ժողովրդի թիկունքում, կա՛մ նույն կենտրոնից են հրահանգավորվում։ Կա ևս մեկ տեսակետ, ըստ որի, լրատվամիջոցներն ունեն չգրված ավանդույթ՝ իրար նկատմամբ հրապարակումներ չեն անում։
Արձանագրենք, որ 2018թ-ից Նիկոլի «Հայկական Ժամանակ» թերթն այլևս լրատվամիջոց չէ, այն ծառայում է՝ որպես Նիկոլի քարոզչամիջոց և փողերի լվացման գործիք։
Հ․Գ․ Այդ փաստերը ժամանակին ուղարկվել են «իրավապահ» կառույցներին, որոնք վարույթ են հարուցել, իսկ հետո՝ կարճել։
Այսուհետև շարունակելու եմ հրապարակել Նիկոլի և իր ընտանիքի կողմից կոռուպցիոն դրսևորումների, փողերի լվացման և օրենքների ոտնահարման փաստեր, որով կշարունակվի լյուստրացիայի գործընթացը, թե ովքեր են բացահայտ կամ քողարկված սպասարկում Նիկոլին, բայց առերևույթ հանդես են գալիս արմատական ընդդիմադիր դիրքերից»։