«Ի՞նչ «դեր» է վերապահվելու ՀՀ-ին՝ Եվրոպայում անվտանգության հարցերի ավելի լարվելու միտումների շրջանակում». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Ուրսուլա Ֆոն Դեր Լայենը, որը ժամանել էր Հայաստան հուլիսի 2-ին՝ Բաքվից, Իռլանդիայում հայտարարել է, որ Եվրամիությունում անվտանգության մարտահրավերները թեժանում են եւ պահանջում ավելի շատ ջանքեր պաշտպանության ոլորտում:

Նա Իռլանդիա է մեկնել այդ երկրի՝ ԵՄ նախագահությունը ստանձնելու կապակցությամբ:

Ի՞նչ է նշանակում, որ Եվրոպայում անվտանգության հարցերը դառնում են ավելի լարված: Սա պարզապես եվրոպացիներին բռի մեջ պահելու հնա՞րք է, թե՞ այդուհանդերձ ԵՄ վերնախավը կայացրել է Ռուսաստանի հետ պատերազմելու որոշում:

Իսկ օրինակ Հայաստանի հետ Ուրսուլա Ֆոն Դեր Լայենը քննարկե՞լ է Եվրոպայում անվտանգության հարցերի ավելի լարվելու հետ կապված թեմաներ: Եթե Հայաստանը, ինչպես հավաստիացնում են, առավել քան երբեւէ մերձենում է ԵՄ հետ, ի՞նչ է դա նշանակելու անվտանգության հարցերի լարվածության իմաստով: Համաձայնեք, որ այստեղ խոսելու, դիտարկելու, քննարկելու ահագին բան կա, հասկանալու համար, թե ինչ «դեր» է վերապահվելու Հայաստանին՝ Եվրոպայում անվտանգության հարցերի ավելի լարվելու միտումների շրջանակում»: