«Նիկոլն ուզում է իր հանցանքը ծախել հայ ժողովրդի վրա»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. ««Մենք բոլորս մեղավոր ենք» ձևակերպումը 2020-ի նոյեմբերից սկսած՝ ակտիվ տարածվում է հանրության մեջ՝ փորձելով մարդկանց համոզել, թե Արցախի հանձնման մեղավորը ոչ թե Հայաստանի կառավարությունն է, այլ ժողովուրդը և նրա յուրաքանչյուր անդամ՝ իր գործած մեծ ու փոքր սխալներով։
Այլ կերպ ասած՝ այնպես են անում, ասենք, Սյունիքի Տանձավեր գյուղի հասարակ բնակիչը մտածի, որ անտառից իր թաքուն կտրած ծառի պատճառով է հանձնվել Արցախը։
Ոչ ոք, իհարկե, անթերի չէ, բայց պետք է հասկանալ ու հստակեցնել, թե մարդկանց գործած սխալները ինչ հետևանքներ են ունեցել։ Ավելի հստակ, եթե բոլորս մեղավոր ենք, ապա ինչի՞ համար ենք մեղավոր։ Եթե ունենայինք հզոր տնտեսություն ու հզոր բանակ, բայց Նիկոլը էլի Ալիևի հետ պայմանավորվեր հանձնել Արցախը, արդյո՞ք չէր հանձնի։ Իհարկե, կհանձներ իր ուզած փաթեթավորմամբ։
Հետևաբար մեզնից յուրաքանչյուրի գործած մեծ կամ փոքր սխալը հայրենիքի դավաճանության ու Արցախի հանձնման պատճառ չէ։ Պարզապես Նիկոլն ուզում է իր հանցանքը ծախել հայ ժողովրդի վրա»։