«Գյուղերի դատարկվելու վերջին փուլն է»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Ես մինչև 18 տարեկանը ապրել եմ գյուղում, եղել եմ գյուղացի, այնքան գյուղացի, որ Երևան այցելելը ինձ համար եղել է իրադարձություն:
18-ից բանակ, ապա համալսարան, ապա 30 տարի լրագրություն, աշխարհի շուրջ 60 երկիր, ԱՄՆ 44 նահանգ և այլն:
Ու հիմա, երբ կրկին վերջնական հաստատվել եմ գյուղում, շատ ավելի մեծ արժեք եմ տալիս գյուղերին և հատկապես սահմանային գյուղերին:
Գյուղերը մի անգամ դատարկվեցին խորհրդային շրջանում, երբ կառուցվում էին քաղաքներ:
Հաջորդ անգամ դատարկվեցին անկախության և պատերազմի շրջանում՝ հիմնականում՝ դեպի Ռուսաստան:
Այսօր գյուղերի դատարկվելու նոր և թվում է, վերջին փուլն է, երբ գյուղի երիտասարդները, ովքեր չեն կարողացել արտասահման կամ Ռուսաստան տեղափոխվել, գործ են գտնում Երևանում և լքում տունը:
Այսօր գյուղերը ծերանում և վերանում են:
Հայաստանի իշխանությունները, ինչ անուն էլ ունենան, պետք է մտածեն այս մասին:
Սահմանամերձ գյուղերում 16 միլիոն գումար տրամադրումով նոր տների կառուցումը, թվում է, լավ ծրագիր է, բայց դա բավարար չէ: Մարդը չունեցավ ապրուստի միջոց, փակելու է այդ տան դուռը և հեռանալու»։