«Երևակայական հրեշի փոխարեն իրենք են իրական հրեշ դարձել»․ Վարդան Բալյան

Քաղաքական վերլուծաբան Վարդան Բալյանի ֆեյսբուքյան գրառումը․ «Բազմաթիվ հեքիաթներ կան և բոլոր այդ հեքիաթներում այսպես կոչված հերոսները հրեշներին սպանում են։ Մերօրյա հեքիաթասացի դերում Ազգային Ժողովի նախագահ Ալեն Սիմոնյանն այսօր նոր հեքիաթ էր պատմում, որտեղ հերոսի դերում իբր իրենք են, որ հրեշին բռնել են, խեղճացրել ու մտցրել իր բույնը։ Ես ծնունդով բռնակոթցի եմ, մեր գյուղում մի լավ անեկդոտ են սիրում։ Պատերազմի ժամանակ զինվորին ուղարկում են, որ լեզու բերի՝ հակառակորդի զինվոր, ումից հետախուզական տեղեկատվություն պետք է ստանան։ Սա գնում է, տևական ժամանակ չկա, դիրքից կանչում են՝ բռնե՞լ ես, ասում է՝ այո, ասում են՝ դե բեր, ասում է՝ չի գալիս, ասում են՝ դե դու արի, ասում է՝ չի թողնում։ Հիմա սրանցն է, թե բա հրեշին բռնել, խեղճացրել ենք, մտցրել ենք բույնը՝ առանց հասկանալու, որ երևակայական հրեշի փոխարեն մի իրական հրեշ են դարձել հենց իրենք։ Երկրի բարձրագույն իշխանության մարմնում հայտնվածները՝ չունենալով որևէ արժանիք, գիտելիք կամ կարողություն՝ պետություն կառավարելու,
ամենևին ոչ հեքիաթի հրեշ են, այլ միանգամայն իրական, որ պատուհաս են պետության ու ժողովրդի համար։ Բայց ամեն դեպքում սա լավ դաս է բոլորին՝ հասկանալու համար, թե ցանկացած պարագայում ինչպիսին չպիտի լինի ժողովրդի ընտրյալ ներկայացուցիչը իշխանությունում։ Հուսանք, որ գոնե այս դասը կսովորենք»։