«Մենք հրեշին բռնել ենք, խեղճացրել ու մտցրել իր բույնը»․ Ալեն Սիմոնյան

543

Հինգշաբթի, 08 մայիսի, 2025 թ., 13:54

«2026 թվականին ինչպե՞ս եք պատասխանելու ժողովրդի այն հարցին, թե Քոչարյանն ու Սերժը ինչո՞ւ նստած չեն»,- ճեպազրույցի ժամանակ հարց ուղղվեց ԱԺ նախագահ Ալեն Սիմոնյանին։ Նա պատասխանեց․ «Դա բարդ է, դա իրավապահների դաշտում է։ Մեզ համար շատ ցանկալի է, բայց անթույլատրելի է զանգել ՀՀ դատախազին և ասել՝ Ռոբերտ Քոչարյանը պետք է 4 ժամ հետո բանտում լինի։ Դա ցանկալի է ոչ միայն իր հետ կապված, այլ շատ այլ մարդկանց հետ կապված, ովքեր մարդ են գյուլել Երևանի կենտրոնում։ Որ վզներից բռնեն, գցեն պադվալը։ Բայց հրեշին սպանողը դառնում է հրեշ։ Մենք այդ հրեշին բռնել ենք, խեղճացրել ենք, քշել ու մտցրել ենք իր բույնը և այնտեղ պահելու ենք այնքան ժամանակ, մինչև իր պատիժը ստանա»։