«Էրդողանի հայտարարության վտանգավոր համատեքստը»․ Սուրեն Սուրենյանց

Քաղաքագետ Սուրեն Սուրենյանցի թելեգրամյան գրառումը․ «Էրդողանի հայտարարության վտանգավոր համատեքստը

«Թուրքիան ակնկալում է, որ Իրանը կաջակցի «Զանգեզուրի միջանցքի» վերաբերյալ այն քայլերին, որոնք կնպաստեն տարածաշրջանում խաղաղությանը, կայունությանը և զարգացմանը»,- օրերս ասել է Ռեջեփ Էրդողանը:

Թերևս, առիթ չի եղել անդրադառնալու այս հայտարարության վտանգավոր համատեքստին:

Իսկ դա այն մասին է, որ կամ Փաշինյանն արդեն համաձայնել է «Զանգեզուրի միջանցքի» գաղափարին ու Էրդողանը միակ խոչընդոտ տեսնում է Իրանին, կամ էլ՝ Հայաստանի սուբյեկտությունն այնքան նվազ է, որ մեր երկրի տարածքով անցնող ճանապարհի ճակատագիրը ռեգիոնալ տերությունները քննարկում են՝ առանց Երևանի կարծիքը հաշվի առնելու»։