«Երևանի բյուջեի մեծացմանը զուգահեռ փոսերը շատանում են»․ Արմենակ Դանիելյան

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը․ «Երևանցիների վճարած հարկերից և տուրքերից գոյացած Երևանի բյուջեն մեծանում է, զուգահեռ Երևանի փողոցներում շատանում են փոսերը։
Երևանցիների համար գնալով թանկանում է գույքահարկը, որի հաշվին ավելանում է Երևանի սեփական եկամուտները, զուգահեռ մայրաքաղաքի ճանապարհները հարստանում են փոսերով։
Տեսանյութում Աջափնյակ վարչական շրջանի մոռացված ու լքված Սիլիկյան թաղամասի միայն 2 փողոցի փոսերն են։ Սակայն ամբողջ թաղամասը գտնվում է այս վիճակում։
Երևանի քաղաքապետարան, հիշեցնեմ, որ Սիլիկյան թաղամասը գտնվում է Երևան համայնքի վարչական տարածքում»։