Շտապօգնության բժշկի վրա կացին նետած տղամարդը ձերբակալվել է
![]() 437 Երեքշաբթի, 27 մայիսի, 2025 թ., 18:36 Ոստիկանությունը տեղեկացնում է. «Մայիսի 26-ի ուշ երեկոյան շտապօգնության ենթակայանից ոստիկանություն հաղորդում է ստացվել, որ շտապօգնության խումբը կանչով մեկնել է Երևանի Արարատյան փողոցի մի տուն, որտեղ անհայտ քաղաքացին կացնով հարձակվել է բժշկի վրա։ Համայնքային ոստիկանության Շենգավիթի բաժնի օպերատիվ խումբը շտապ մեկնել է դեպքի վայր: Բարեբախտաբար՝ միջադեպը ծանր հետևանքներ չի ունեցել: Պարզվել է, որ ժամը 20.57-ին շտապօգնության խումբը ինքնազգացողության վատացում կանչով մեկնել է նշված հասցե, որտեղ 45-ամյա տղամարդը, ակնհայտորեն գտնվելով ալկոհոլի ազդեցության տակ, նախ բժշկին պատմել է, թե ինչպես է կոտրել տան սանհանգույցը, հետո հանկարծ միջանցքից վերցրել է կացին, անկանոն շարժումներ արել ու նետել բժշկի ուղղությամբ։ Ժամը 22.55-ին տղամարդը ձերբակալվել և տեղափոխվել է ոստիկանություն, այնուհետև կազմված փաստաթղթերով հանդերձ ներկայացվել քննչական բաժին: Նախաձեռնվել է քրեական վարույթ, և 45-ամյա տղամարդը տեղափոխվել է ձերբակալվածների պահման վայր։ Ու սա վերջին շրջանում տեղի ունեցած նման դեպքերից ընդամենը հերթականն էր, երբ ամենամարդասիրական նպատակներով մեկնած մարդկանց դիմավորում են ընդգծված մարդատյացությամբ: Բայց խնդիրը, բարոյականից զատ, ունի նաև քրեաիրավական կողմ. սրանք որպես կանոն՝ քրեորեն պատժելի արարքներ են: Հորդորում, բայց նախևառաջ պահանջում ենք՝ մասնագիտական առաքելությունը կատարող անձանց նկատմամբ լինել առնվազն հարգալից, անհարկի չմիջամտել և չխոչընդոտել նրանց պրոֆեսիոնալ գործունեությունը, իսկ եթե կասկածներ ունեք, որ նրանք ինչ-որ հարցում այնուամենայնիվ թերացել են՝ ձեռնարկել միայն ու միայն օրինական, քաղաքակիրթ միջոցներ, այլապես քրեաիրավական հետևանքներն անխուսափելի են»: |
Դանակահարություն՝ փեսայի և աներոջ վիճաբանության ժամանակ
13010:42Կորեացին բենզին է լցրել ու հրկիզել մետրոյի վագոնը (տեսանյութ)
14010:26Իսրայելն սպանել է իրանցի ևս մեկ միջուկային գիտնականի և նրա ընտանիքի 11 անդամի (լուսանկար)
440Երեկ, 23:44Վարդենիսում 63-ամյա տղամարդ է ինքնասպան եղել
212Երեկ, 12:42Մեկ գիշերում թալանել են Սարյան 4 հասցեում կայանված մի քանի մեքենաներ
284Երեկ, 11:24Ողբերգական ավտովթար՝ Վանաձոր-Դիլիջան ավտոճանապարհին․ կա 2 զոհ
41527.06.2025, 12:30Հրդեհ՝ Ծարավ Աղբյուր փողոցում․ 350 բնակիչ է տարհանվել (տեսանյութ)
33027.06.2025, 08:48Ադրբեջանի «Ալով» գործարանում պայթյուն է տեղի ունեցել (տեսանյութ)
90827.06.2025, 00:28