«Այցելեցի Բջնիի եկեղեցի և տեսա՝ պատը փլուզման շեմին է»․ Նիկոլ Փաշինյան

«Երբ այցելեցի Բջնիի եկեղեցի, տեսա պատը փլուզման շեմին է է, հենակներ էին դրված, որ պատը շոըռ չգա։ Կառավարությունը գումար հատկացրեց և Բջնիի եկեղեցու վնասված պատը վերականգնվեց»,- այսօր Կառավարության նիստի ժամանակ հայտնեց վարչապետ Նիկոլ Փաշինյանը՝ անդրադառնալով կատարված աշխատանքներին։
«Մենք նաև լուծեցինք մի շատ կարևոր խնդիր. Բջնիի ամրոցը, որը մեր պատմամշակութային հիշարժան հուշարձաններից է, դիմացը տներ էին կառուցել մի քանի բջնեցիներ, ընկույզի ծառեր տնկել, որն ամբողջությամբ փակում էր պարիսպները արտաքին տեսադաշտից, մենք գերակա շահի մասին որոշում կայացրեցինք, հեշտ չէին բնակիչների հետ քննարկումները, բայց ուզում եմ նրանց շնորհակալություն հայտնել»,- ասաց նա՝ հավելելով, որ ամրոցը ժողովրդական կապիտալ է, չէր կարելի այն ուղղակի ընկույզի ծառերի հետևում թաքցնել։

«Շատ վատ վիճակում էր նաև դեպի Բջնիի ամրոց տանող ճանապարհը, հիմա որոշում ենք կայացնում, որ հիմնանորոգենք ճանապարհը»,- նշեց Փաշինյանը։