«Հակաեկեղեցական շարժումը նման է «տուշոնկա» օպերացիային»․ Արա Զոհրաբյան

ՀԱԵ Շիրակի թեմի առաջնորդ Միքայել Սրբազանի պաշտպաններն ասուլիսի ժամանակ անդրադարձան Սրբազանին առաջադրված մեղադրանքին՝ այն որակելով անհիմն, իսկ կալանքը՝ ապօրինի։ «Այս կալանքը հակաեկեղեցական շարժման շրջանակներում է և քաղաքական հետապնդում է»,- ասացին պաշտպանները։ Խոսելով իշխանության սկսած «հակաեկեղեցական շարժման» մասին՝ փաստաբան Արա Զոհրաբյանն ասաց․ «Այս հակաեկեղեցական շարժումը շատ նման է «տուշոնկա» օպերացիային։ Փորձում են, անձին թիրախավորելով, վարկաբեկել ինստիտուտը, որոշակի բարոյական և իրավական խնդիրներ ցույց տալ՝ ինստիտուտը զրկելով հանրության պաշտպանությունից։ Իրենք բնականաբար գաղտնալսումներն ունեն և երբ Նիկոլ Փաշինյանը մայիսի 30-ից մեկնարկեց իր արշավը Եկեղեցու դեմ, արդեն պարզ էր, որ մի քանի ծրագիր են իրականացնում, սկսեցին հակաբարոյական բաների մեջ մեղադրել եկեղեցականներին, Բագրատ Սրբազանի գործը կապակցեցին Եկեղեցու հետ, այժմ էլ Միքայել Սրբազանի գործն են ուզում կապակցել Եկեղեցու հետ»,- ասաց Զոհրաբյանը։