«Կուսակրոնությունը միայն կենակցման մեջ չէ, այն բարդ համակարգ է»․ Անդրանիկ Քոչարյան

«Վեհափառը գնա, թե չգնա, դա եկեղեցու որոշելիքը պետք է լինի, բայց եկեղեցին էլ պետք է շարժվի իր իրավական համակարգի տրամաբանությամբ և պահանջով»,- լրագրողների հետ զրույցում ասաց ՔՊ-ական պատգամավոր Անդրանիկ Քոչարյանը՝ խոսելով «եկեղեցու առողջացման» մասին։ Նրա խոսքով հենց հոգևորականները պետք է նպաստեն այդ գործընթացին։ Քոչարյանն անդրադարձավ նաև շահարկվող թեմային, թե որոշ հոգևորականներ, այդ թվում Վեհափառը, խախտել են կուսակրոնության ուխտը․ «Կուսակրոնությունը միայն կենակցման մեջ չի, այն բարդ, մեծ համակարգ է, որի՝ ի սկզբանե դրված նպատակները չեն պահպանվել»,- ասաց Քոչարյանը՝ խոսելով նաև այն մասին, որ եկեղեցում շրջանառության մեջ մեծ գումարներ կան, որոնք չեն հարկվում։
Անդրանիկ Քոչարյանը հայտնեց նաև իր ցանկությունը, այն է՝ ունենալ անբիծ եկեղեցի, որտեղ երբեք ոչ ոքի մտքով չպետք է անցնի ուժային միջամտությամբ հարցեր լուծել։