«Ամբողջ գիշեր երեխան լուծ է եղել, իսկ խցում տաք ջուր չկա»․ Զարուհի Փոստանջյան

Փաստաբան Զարուհի Փոստանջյանը ֆեյսբուքյան եթերում հայտնեց, որ այցելել է «Աբովյան» ՔԿՀ-ում գտնվող Լիանա Հարությունյանին ու նրա փոքրիկին․ «Համոզված չեմ, որ երեխային համապատասխան բուժօգնություն է տրամադրվել, որովհետև այնտեղ չկա մանկաբույժ․․․ Ամբողջ գիշեր երեխան լուծ է եղել, իսկ խցում տաք ջուր չկա․ տուտուզիկը կարմրած է, ցան է առաջացել։ Երեխայի գլուխն ու ափերը տաք էին, իմ կարծիքով՝ նա նաև ջերմում է, չեմ բացառում ատամներ հանելու փուլում է։ Խուցը որևէ կերպ համապատասխան չէ մանկահասակ երեխայի կեցության համար»,- նշել է Փոստանջյանը։ Նա իր դժգոհությունն է հայտնել նաև ՀՀ ՄԻՊ-ից։