«Թուրքիայում սկիզբ է դրվել «Զանգեզուրի միջանցքի» մաս կազմող երկաթուղու շինարարությանը»․ #TRTHaber

3797

Ուրբաթ, 22 օգոստոսի, 2025 թ., 14:42

Իգդիրում տեղի է ունենում Կարս-Իգդիր-Արալըք-Դիլուջու երկաթուղային գծի հիմնարկեքի արարողությունը, որը «Զանգեզուրի միջանցքի» մաս է կազմում։ Այս մասին հայտնում է թուրքական TRT Haber-ը։

Արարողությանը մասնակցող Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ երկաթուղային գծի թողունակությունը կկազմի տարեկան 5,5 միլիոն ուղևոր և 15 միլիոն տոննա բեռ։

«Կարս-Իգդիր-Արալըք-Դիլուջու երկաթուղային գծի կառուցմամբ մենք ձեռնարկում ենք Զանգեզուրի միջանցքի իրականացման ամենահստակ քայլերից մեկը, որը կարևոր է ոչ միայն Թուրքիայի, այլև ամբողջ Հարավային Կովկասի և Եվրասիայի համար», - ասել է թուրք նախարարը։