«Այս նամակն ուղարկեք Աննա Վարդապետյանին». Զարուհի Փոստանջյան

Կալանավորված Լիանա Հարությունյանի պաշտպան Զարուհի Փոստանջյանը ֆեյսբուքյան իր էջում գրել է. «Հաշվի առնելով վերջին երկու օրերին ստացված բազմաթիվ հեռախոսազանգերը, նամակներն ու մեկնաբանությունները՝ տեղեկացնում եմ, որ բոլոր այն քաղաքացիներն, ովքեր ցանկանում են որևէ կերպ աջակցել կալանքի տակ գտնվող Լիանա Հարությունյանին և նրա փոքրիկ դստերը, կարող են ուղարկել իրենց մտահոգությունը ներքոնշյալ տեքստի միջոցով՝ տիկին Աննա Վարդապետյանի [email protected] էլեկտրոնային հասցեին. «ՀՀ գլխավոր դատախազ տիկին Աննա Վարդապետյանին
Հարգելի տիկին Վարդապետյան,
2025 թվականի հուլիսի 11-ին, տեղեկացա, որ կալանավորվել է քաղաքացի Լիանա Հարությունյանը։
Կալանավորումը տեղի է ունեցել նրա կողմից ոչ թե հանցանք, այլ իր մասնագիտական ծառայությունները կատարելու շրջանակներում։
Հարգելի տիկին դատախազ, վստահ եմ, որ Դուք քաջատեղյակ եք, որ Լիանա Հարությունյանն ունի երեք անչափահաս երեխա, որոնցից ամենափոքրն ընդամենը 8 ամսական է։ Դատավոր Մաթևոսյանի կողմից կայացված ծայրահեղ միջոցը՝ կալանավորումը, այս պարագայում խախտում է ոչ միայն մոր, այլև երեխայի հիմնարար իրավունքները։
Տիկին Վարդապետյան,
որպես կին՝ Դուք անշուշտ լիովին պատկերացնում եք, թե որքան խնամք, սեր և հարմարավետ միջավայր է պահանջում 8 ամսական երեխան։ Ցավոք, քրեակատարողական հիմնարկներում նման պայմանների ապահովումը գրեթե անհնար է։ Խոնավությունն ու ոչ բավարար հիգիենիկ պայմանները՝ ներառյալ երեխայի չոչ անելը, օրվա ընթացքում տակդիրի մի քանի անգամ փոխելու, երեխային լվացնելու և լողացնելու անհրաժեշտությունը, կարող են լրջորեն վնասել փոքրիկի առողջությանը և նույնիսկ վտանգել նրա կյանքը։
2025 թվականի հուլիսի 13-ին՝ ժամը 11:00-ի դրությամբ, արդեն իսկ արձանագրվել է երեխայի ամբողջ գիշեր շարունակվող փորլուծության և մաշկի վրա ցանի առաջացման խնդիրները։
Հաշվի առնելով վերը նշվածը՝ խնդրում եմ Ձեր իրավասության շրջանակում անհապաղ միջամտել այս իրավիճակին՝ դիտարկելով կալանավորման որոշման վերանայման հնարավորությունը։
Պետք է թույլ չտալ, որ արդարադատության գործընթացում տուժեն անմեղ փոքրիկներ»»։