«Նիկոլ Փաշինյանը վստահ չէ իր քպ-ական խմբակի վրա»․ Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը․ «Թե բա՝ ՔՊ ժողովում որոշեցինք արտահերթ ընտրություններ չանել, գնալ հերթականին: Սա երկու բանի մասին է խոսում, մեկը մեկից կարևոր.
Նախ՝ իրենք վստահ են, հաշվարկներն արել են, որ վերընտրվելու քվեն չունեն, համենայն դեպս՝ հիմա: Վաշինգտոնում ստորագրած թուղթը, որքան էլ գովեցին ու ներկայացրին խաղաղության պայմանագիր, չկարողացան ժողովրդին համոզել, որ դա է: ՔՊ-ից բացի, այլ ցնծացողներ չկան: Ժողովուրդը չի կարծում, թե դա կաշխատի:
Այնպես որ, պլաններն առաջին փուլում ձախողվեցին: Հաջորդ փուլն էլ, ամենայն հավանակաբությամբ, չի աշխատելու, որովհետև ում հետ որ խաղաղության են իբր գնում, օկուպացված Արցախում երեկ հայտարարեց իր սպառազինությունը, ռազմական ծախսերն ավելացնելու մասին, քանի որ ասում է՝ ցանկացած պահի կարող է պատերազմ լինել էս խառը աշխարհում: Նա մեկ հայտարարությամբ ջարդեց բոլոր ՔՊ-ականների «արդեն խաղաղություն է եկել» թեզը:
Երկրորդ. արտահերթի չգնալու Նիկոլի որոշումը խոսում է այն մասին, որ նա վստահ չէ իր քպ-ական խմբակի վրա, որոնք պետք է երկու անգամ այլ վարչապետի թեկնածու չընտրեն: Սահմանադրությամբ, պետք է հրաժարական տա, երկու անգամ չընտրվի այլ վարչապետ, ԱԺ-ն լուծարվի: Ինքը վստահություն չունի, որ իր թիմը չի գնա ու մեկ այլին ընտրի:
Հետևաբար, երկու մասով էլ հաշվարկել է ու հասկացել, որ շանսերը փոքր են, ռիսկը՝ մեծ: Շատ արագ որոշել է փակել արտահերթի թեման, գնալ հերթականի:
Հերթական էլ մոտավորապես՝ էսպես. հլը ժամանակ կա, օրը կգա, արևը կհելնի, բախտն էլ գուցե հետը: Տեսնեն՝ ոնց կստացվի: Կարող է հնարավորություն տրվի մի հատ էլ ինչ-որ բան ստորագրել, ասենք՝ Ալիևի ու Մակրոնի հետ, մի հատ էլ դա թափահարեն, թե՝ խաղաղություն է. որովհետև էս մեկը հաստատ չստացվեց ներկայացնել իբրև խաղաղություն»։