«Պատերազմի 3-րդ օրն Իսրայելին հաջողվել է ոչնչացնել Իրանի Ազգային անվտանգության բարձրագույն խորհրդի նիստի անցկացման վայրը». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Fars News գործակալությունը հաղորդում է, որ Իսրայելի և Իրանի միջև պատերազմական գործողությունների երրորդ օրը իսրայելական կողմին հաջողվել է պարզել Իրանի Ազգային անվտանգության բարձրագույն խորհրդի նիստի անցկացման վայրը, որը տեղակայված է եղել Թեհրանում գտնվող շինություններից մեկի տակ գտնվող ստորգետնյա բունկերում։ Մուտքերն ու ելքերը հարվածի են ենթարկվել հակաբունկերային ռումբերով։
Հաղորդվում է, որ չնայած հարվածի ուժգնությանը՝ ներսում գտնվող բոլոր քաղաքական և ռազմական գործիչները հրաշքով փրկվել են՝ դուրս գալով նախապես նախատեսված վթարային ելքի միջոցով։ Մի քանի անձ ստացել է թեթև վնասվածքներ։
Կասկածներ կան, որ Իսրայելը տեղեկությունն ստացել է լրտես-գործակալի միջոցով։
Նշվում է, որ հրապարակված տեսանյութերը կարող են կապված լինել այս միջադեպի հետ, սակայն դրանց իսկության վերաբերյալ պաշտոնական հաստատում առայժմ չկա»: