«Արարչագործ բնության ձեռագրական խորհուրդը». նոր ցուցադրություն Մատենադարանում

Օրերս Մատենադարանում բացվել է նոր ցուցադրություն՝ «Արարչագործ բնության ձեռագրական խորհուրդը» խորագրով՝ նվիրված արարչագործ բնությանը։ Ցուցադրությանը ներկայացված են Աստվածաշնչի Ծննդոց գրքի հատընտիր ձեռագրերի այն էջաբացվածքները, որոնցում պատկերված է Արարչագործությունն ըստ օրերի: Ցուցադրված են նաև աշխարհի արարման տեսարաններով ձեռագիր մատյաններ, հնատիպ գրքեր, հմայիլներ, որոնց կից՝ դեկորատիվ կիրառական արվեստի առարկաններ: Ընտրված են նաև պարսկերեն ու արաբերեն ձեռագրեր, որոնցում պատկերված են բնության տարրերի դրսևորումներ՝ բուսական, երկրաչափական և ծաղկային մոտիվներով զարդապատկերներ։
Ցուցադրության շրջանակում ներկայացվում է նաև մեկ նմուշ Մայր Աթոռ Սուրբ Էջմիածնի Մայր Տաճարի որմնանկարների առաջին շերտից մի պատառիկ:
Ցուցադրվող ձեռագրերից եզակի մատյան է «Գիրք ծաղկանոց բուրաստանը», որի ծաղկողը՝ Սիմեոն Բզնունին, մեկ ձեռագրի մեջ է հավաքել միջնադարյան հայկական մանրանկարչությանը հատուկ ծաղկազարդային, առասպելական կենդանիների, եկեղեցիների պատկերաներ»: