«5 տարում Երևանի մեքենաների 90%-ը պետք է լինեն էլեկտրական». Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը. «Ճապոնացի հայտնի գրող Շերիդան Տացունոն հոյակապ նկարագրել է՝ ինչպես կառուցել զարգացող մեգապոլիս և տեխնապոլիս և եթե կարծում եք, որ մենք ամենախելացին ենք և բոլոր ձևերը գիտենք, այդպես չէ:
Տացունոն կարող է իրոք օգտակար լինել, երբ սկսենք իրական ռեֆորմները:
Իսկ հիմա կրկին՝ քաղաքը բեռնաթափելու մասին: Պետք է ընդունվեն նոր օրենքներ, հին մեքենաները պետք է չմտնեն Երևանի կենտրոն, պետք է խրախուսվի էլեկտրամոբիլների ձեռքբերումը, 5 տարում Երևանի մեքենաների 90% պետք է լինեն էլեկտրական:
Բնականաբար, քանակը նաև կկրճատվի:
Մեծ մեքենաները կունենան մեծ գույքահարկ, իսկ փոքր մեքենաները փոքր: Երևանը այլևս չի կարող տեղավորել այսքան մեքենա ու շնչել այս օդը»: