«Կարիքավորները 37,2 մլն դրամ օգնություն են ստացել, մարզպետարանի պաշտոնյաները՝ 47․5 մլն դրամ պարգևավճար»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Մարզպետարանի պաշտոնյաները պետբյուջեից 47․5 միլիոն դրամ պարգևավճար են ստացել, Տավուշի մարզի կարիքավորները՝ 37,2 միլիոն դրամ օգնություն
Տավուշի մարզպետարանից տեղեկացել եմ, որ 2025 թվականի օգոստոսի 18-ի դրությամբ Տավուշի մարզպետի աշխատակազմի աշխատակիցներին վճարվել է 47 միլիոն 503 հազար 300 դրամ պարգևավճար,իսկ մարզի սոցիալապես անապահով ընտանիքներին մարզպետարանի միջոցով տրվել է 37 միլիոն 206 հազար դրամ ֆինանսական աջակցություն:
Մարզի սոցիալապես անապահովներից բազում բողոքներ եմ ստացել, որ մարզպետարանի համապատասխան հանձնաժողովը մերժել է դրամական օգնության վերաբերյալ իրենց դիմումները։ Սակայն Նիկոլ Փաշինյանի դասընկեր, նրա հարսանիքի քավոր, Ն․ Փաշինյանի որոշմամբ 2021թ․ ապրիլի 8-ին Տավուշի մարզպետ նշանակված Հայկ Ղալումյանը և մարզպետարանի պաշտոնյաները , բարձր աշխատավարձերից զատ, պետական բյուջեից ստացել են 47,5 միլիոն դրամ պարգևավճար։ Թե ինչ ձեռբերումների, աշխատանքայյին նվաճումների համար են նրանք այդքան ճոխ պարգևատրվում շուրջ 14 միլիարդ դոլար պետական պարտք ունեցող Հայաստանի սուղ պետական բյուջեից, հայտնի չէ»։