«Սրբազանների գործը «տուշոնկա-2»-ի սցենարն է»․ Նաիրա Զոհրաբյան

«Նիկոլ Փաշինյանը հասկանում է, որ ՀՀ-ում մի քանի ինստիտուտ է մնացել, որոնք ունեն հեղինակություն, և դրանցից ամենամեծը Եկեղեցին է, ու փորձում է արագ չեզոքացնել Եկեղեցու առանցքային կերպարներին, որոնք կարող են հանրությանն ինչ-որ պահի կոնսոլիդացնել»,- այս մասին «Եվրոմեդիա24»-ի հետ զրույցում նշեց հասարակական-քաղաքական գործիչ Նաիրա Զոհրաբյանը։

«Արագացված ռեժիմով այս դատավարությունները, որ արվում են 2 Սրբազանների, 18 արդարների նկատմամբ, և հանրությանը նրանց ներկայացնել որպես ահաբեկիչներ, «տուշոնկա-2» -ի սցենարն է։ Սրբազաններից ուզում են սարքել Նիկոլ Փաշինյանի, Արարատ Միրզոյանի, Ալեն Սիմոնյանի նկատմամբ մահափորձ իրականացնողներ և ահաբեկչությամբ իշխանազավթներ, որպեսզի Նիկոլը խորտակի բոլոր այն բուրգերը, որտեղ կան հեղինակություն ունեցող ինստիտուտներ, ու դեպի առաջիկա ընտրությունների իր ճանապարհը լինի հնարավորինս անխոչընդոտ»-ընդգծեց Զոհրաբյանը՝ հավելելով, որ Նիկոլը աշխարհաքաղաքական կենտրոններից ստացել է քարտ-բլանշը և Թուրքիայից գալուց հետո ավելի ուժեղացրեց քաղաքական պրեսինգը ընդդիմախոսների հանդեպ։