«5 տարին լրանա, կգնանք հերթական ընտրությունների»․ Գևորգ Պապոյան

«Ընթացիկ քաղաքական պրոցեսների հետ կապված հարցեր ենք քննարկել՝ այդ թվում հերթական, նաև արտահերթ ընտրությունների հավանականության մասին։ Որոշեցինք, որ ժողովուրդը մեզ 5 տարով մանդատ է տվել, հետևաբար պետք է շարունակենք աշխատանքը, 5 տարին լրանա, կգնանք հերթական ընտրությունների»,- այս մասին «Քաղաքացիական պայմանագիր» խմբակցության նիստից հետո լրագրողների հետ զրույցում ասել է կուսակցության փոխնախագահ, էկոնոմիկայի նախարար Գևորգ Պապոյանը։

«Արտահերթ ընտրությունների մասին մտքեր միշտ են հնչում, վարչապետն էլ այսօր ասաց, որ դրանք լրացուցիչ հիմնավորման կարիք ունեն։ Մենք կարծում ենք, որ հիմնավորումները բավարար չեն»,- հավելեց Պապոյանը։