«Էրդողանը, եթե չդիմի կտրուկ քայլերի, ապա նոր նեոօսմանական կոնցեպցիան, չծնված, կմահանա». Արգիշտի Կիվիրյան

Վերլուծաբան Արգիշտի Կիվիրյանը գրել է. «Բավականին էր Էրդողանը հրապարակեր իր նեոօսմանական նոր կոնցեպցիան, որում պետք է ձևավորվեր նոր շարժիչ ուժը, բաղկացած թուրքերից, քրդերից ու արաբներից, երբ Իսրայելն անցավ Սիրիայի տարածքում կտրուկ գործողությունների՝ փորձելով մի կողմից ցույց տալ, թե ինչ օրը կգցի պրոթուրքական այդ ռեժիմին, մյուս կողմից փորձելով թուրքերին ներքաշել հակամարտության մեջ։ Բավականին հետաքրքիր իրավիճակ ա ստեղծվել, որտեղ Էրդողանը, եթե չդիմի կտրուկ քայլերի (ինչին որ Իսրայելը դրդում և սպասում է), ապա սաղմնային վիճակում գտնվող նոր նեոօսմանական կոնցեպցիան չծնված կմահանա»: