«Պարալիզացրե՛ք սաղ, դե տեսեք՝ շոուն որն է»․ վարդաշենցիները ճանապարհ են փակել

Վարդաշենքի հանրակացարանների բնակչները, ովքեր առավոտից բողոքի ակցիա են իրականացնում Կառավարության շենքի մոտ շարունակում են փակ պահել Հանրապետության Հրապարակ մտնող ճանապարհը։ Նրանց բարկացրեց այն, որ իրենց ակցիան որակվեց որպես շոու։
«Պարալիզացրե՛ք սաղ, դե տեսեք՝ շոուն որն է»,-ասում են նրանք՝ հայտնելով, որ ճանապարհը չեն բացի, քանի դեռ Կառավարությունից որևէ մեկը չի հանդիպել իրենց հետ։ Նրանք այսօր տեղեկացել են, որ կրկին խաբվել են, շենքերը գերակա շահ չեն ճանաչվել։ Նրանց Կառավարությունից հայտնեցին, որ այժ քննարկում է ընթանում խնդրի շուրջ։
Հիշեցնենք հանրակացարանները 4-րդ կարգի վթարային են, փլուզման եզրին։ Բնակչները պահանջում են, որպեսզի քաղաքապետարանն ու Կառավարությունը կատարեն իրենց խոստումը՝ ապահովեն բնակարաններով։ «Մեր կյանքն է վտանգված, օրերից մի օր փլուզվելու է շենքը»,- ասում են նրանք։