«Կառավարության անդամները ճողոպրում են»․ վարդաշենցիները փակել են Կառավարության շենքի մուտքերը

Կառավարության նիստի ավարտից հետո շենքի դիմաց բողոքի ակցիա իրականացնող վարդաշենցիները տեղեկացան, որ կառավարության անդամները մեկ այլ մուտքով հեռանում են․ «Փախնում են մյուս մուտքով, գնում ենք այնտեղ»,-բնակիչները շարժվեցին դեպի ետնամուտք։ «Մայր Հայաստան» դաշինքի անդամ Սոնա Աղեկյանը լրագրողների հետ զրույցում հայտնեց, որ կառավարության անդամները զրահապատ մեքենաներով ճողոպրեցին՝ չլսելով վթարային շենքերի բնակիչներին։ Ոստիկանները թույլ չտվեցին բնակիչներին մոտենալ հեռացող մեքենաներին։ «Ամեն վայրկյան կարող են շենքերը փլուզվել։ 3 մլն վարչապետ կենացմահու կռիվ է տալիս։ Կառավարության ստոր անդամները չեն կարողանում իջնել նայել էս մարդկանց աչքերին։ Չեն կարող ասել, որ դուք շարունակելու եք տառապելու, սա ՔՊ-ի դեմքն է։ Մարդկային զգայարաններ չունեն, հայերեն չեն հասկանում»,- ասում է Աղեկանը՝ շեշտելով, որ Վարդաշենի 68ա և 66/1 հասցեներում գտնվող հանրակացարանների խնդիրը օր առաջ պետք է լուծվի։
Բնակիչներն այս պահին փայել են կառավարության շենքի մուտքերը։